Voliam rendre omenatge a un escrivan màger de lenga occitana : Joan Bodon, per l'anniversari dels 100 ans de sa naissença !

Una artista polivalenta nos farà l''onor de sa preséncia : Sylvie Berger, poèta, fotografa, dançaira e formatritz en danças tradicionalas. Prepausa entre autres l'espectacle "Accor'dança" amb Serge Desaunay, per far descobrir las danças tradicionalas d'un cap a l'autre d'Euròpa. Membres del grop "Abraçebraç", prepausan tanben cada an un estagi de danças en gestion solidària : las Calucadas. 

Lo site de Sylvie Berger e Serge Desaunay : aqui

Henri Maquet es un artista polivalent, fa viure la cultura d'oc per sa creativitat dins d'estils de musica plan diferents : del tradicional fins a la musica electronica. Ven de sortir aqueste an un album novèl : Legendari !

Ne saber mai sus Henri Maquet : aqui

Joan-Pèire Laval, de Pais Nòstre, presentarà las resultas de las eleccions municipalas 2020, los elegits eissits dels movements occitanistas ? 

Joan-Pèire Gaffièr, de l'ostal Joan Bodon (musèu de Crespin) : nos dirà cossi faguèron los membres de l'associacion per ajudar los enfants a dintrar dins l'òbra de Bodon gracias al conte. 

Lo site de l'ostal Joan Bodon : aqui

Bernard Vernières, Doctor ès letras, ensenhaire de filosofia e d'occitan, a estudiat los Contes del meu ostal de Bodon jos un prisme particular, dins son libre Le dit de l'oiseau gris.

Alan Charrié (jogaire d'autbòi, cantaire, afogat de l'òbra de Bodon). 

"Afogat dempuèi bel bieu de l’obra de Bodon e de l’òme - qu’aguèri l’astre de costejar dins mon enfancia roergassa - propausi fa 15 ans al mèu grop « Les Souffleurs de Rêves » de realizar un pantais vielh: un recital vodat a la poësia d’aquel autor dels màgers: Sus de composicions personalas, de represas e adaptacions de musicas tradiconalas que s’entremesclan sus l’empont puèi dins nòstre second CD  « Es sus la talvera qu’es la libertat », editat en 2009. Aquel trabalh fa naisser l’enveja de partejar amb d’autres artistas apassionats tanben de Bodon: Arnau Cance, Mans de Breish e Roland Pecot. Amb eles se farga en 2010 la creacion « Bodon, l’Erba d’Agram » jos l’agach de Bernat Cauhapè, que nos ne faguèt la scenografia. Una aventura umana dins l’univers a l’encòp escur e luminós de Joan Bodon, que propausi de ne far un testimòni modèst."

Yves Durand e Joan Lois Blenet son totes dos comedians al teatre La Rampa TIO, an interpretat de contes o tèxtes de Bodon, vendràn portar lor testimoniatge e illustrar lo prepaus.

Lo site de La Rampa TIO : aqui

Felip Martel, Professor emerita de l'Universitat de Montpelhièr e istorian, nos balharà son ponch de vista distancat sus lo tèma general de l'Universitat Occitana d'Estiu : Esser occitan deman ?