IEO 30 e MARPOC

Jornada occitana en Cevenas.
L’associacion Lo Calèu (lou Caléou) prepausa una jornada occitana  (passejada, lenga, musica e dança) en Cevenas.
Lo luòc : Sant Estève de Valfrancesca (48)
La data : Dissabte 11 de setembre de 2010. 
Rendètz-vos : 8 oras e mièja : Parcatge a l’intrada del vilatge (prèp de la fornariá) en venent de Sant Joan de Gardonenca. O per aqueles que coneisson : luòc dich : « La Pèira de la Vièlha » a 9 oras.
Passejada : Daissarem los carris a la Pèira de la Vièlha e partirem per una gansa que nos menarà a l’acrin de  la Vièlha Mòrta ont a l’entorn d’un tumulús nostra agachada s’espandirà fns als quatre orisonts. Saludarem Aigoal, Lausèra, Boquet e Puèch Sant-Lop. Davalarem puèi cap al masatge del Pereiret, pausa sus la dralha de l’estiva. D’aqui prendrem la rota de tèrra que nos menarà fins al prigond del val de Drobias per tornar pujar cap a la Pèira de la Vièlha ont tornarem prene nòstres carris. Camin fasent, evocarem la toponomia e las pichòtas istòrias ligadas als luòcs que trevaram. La lenga occitana, sola o revirada, se farà ausir e nos ajudarà dins aquela descoberta ont la poësia serà pas doblidada. Passejada acompanhada per Jòrdi PELADAN.  10 quilomètres, difficultat mejana, denivelat (negatiu e positiu : 300 mètres)
Dinnar cevenòl : En un parelh de quilomètres (en carri o a pè per los mai coratjoses) jonharem lo mas de la Fregèira Nauta, ont serem aculhits en musica. Segon lo temps lo dinnar se farà defòra mas aurem una possibilitat de nos estremar en cas de plueja.
Aprèp –dinnar : cant, musica, poësia, contes e iniciacion a las danças fòlcs (balèti).
Prètz : Tot comprés : 20 èuros per adultes, 15 èuros per enfants mens de 14 ans.
Nombre de participants : Al mens : 15   Al mai : 30
-----------------------------------------------------------------------------------------------------------------Nom (persona o grop) :
Adreça:

Tel :      Corrièl :
Inscriu :    personas
Rendètz –vos : 8oras 30 : Vilatge                   9 oras : Pèira de la Vièlha.
Lou Calèou  La Frégère Haute 48330 Saint Etienne Vallée Française 04 66 45 78 59
Caleou.fregere48@orange.fr

___________________________________________

Universitat Occitana d'Estiu ,

veire detalh a la rubrica UOE

_______________________________