IEO 30 e MARPOC

Ièr, 7 de julhet de 2010, a Nimes a l’Universitat Occitana d’Estiu, i aguèt un conferéncia d’Andrieu Neyton sul teatre de Robert Lafont. Remontèt al moment quora Lafont èra descoratjat per una primièra experiéncia de teatre literari e passèt a un teatre mai engatjat e bilingue. Aquò foguèt possible gràcia al rescontre de Neyton e Lafont. A. Neyton aviá ja una experiéncia del teatre s’interessava al teatre popular e participava a un festenal l’estiu dins un vilatge de Provença. Alavètz nasquèt l’idèia de l’espectacle «Per Jòia Recomençar » a la fin de las annadas seissanta.. Venguèt puèi l’experiéncia de la peça « Dom Esquichòte e lo torn de Provença de Baltasar » e puèi « Los Cascavèus » , « La Croisade » . Lo teatre de Lafònt, faguèt una pichona revolucion e aguèt de bona critica. Pasmens cal arremarcar qu’un critic doblidèt de citar lo nom de l’autor e la version que se faguèt de « Los Casvèus » a la television foguèt perduda dins lo laberint dels archius dels medias de la television nacionala.

A nòu oras del vèspre aguèrem lo plaser d’assistir a l’espectacle : « Occitània for ever », al teatre del Periscope .Era una retrospectiva de tota l’òbra de Robèrt Lafònt (segonda tièra).Una capitada d’un punt de vista estetic e tanplan una grand esmoguda.

Francesa Jouanna.